Saturday, October 5, 2013

ശുഭരാത്രി

അന്നവര്‍ ആക്രമിച്ചത്‌
ആളുകള്‍ തിങ്ങി പാര്‍ക്കുന്ന ഒരിടമായിരുന്നു
തുരുതുരെ വെടിയുതിര്‍ത്തുകൊണ്ട്‌ നീങ്ങവെ
മുന്നില്‍ വന്ന ഒരു കുട്ടിയുടെ ചോര തെറിച്ച്‌
 അയാളുടെ യൂനിഫോം നനഞ്ഞു

തിരിച്ചെത്തിയപ്പോള്‍ അയാള്‍ ക്ഷീണിതനായിരുന്നു
പക്ഷേ അന്നത്തെ ദൌത്യത്തിണ്റ്റെ വിജയത്തില്‍
അയാള്‍ക്ക്‌ സംതൃപ്തി തോന്നി

ഉറങ്ങുന്നതിന്‌ മുമ്പായി
പതിവ്‌ പോലെ
പഴ്സിലുള്ള മകണ്റ്റെ ചിത്രത്തില്‍
ഉമ്മ വെക്കാനൊരുങ്ങി
പക്ഷേ
ചിത്രം ചോരയില്‍ കുതിര്‍ന്നു പോയിരുന്നു
പതിവ്‌ തെറ്റിച്ചതില്‍
മനസ്സാ ക്ഷമചോദിച്ചുകൊണ്ട്‌
അവന്‌ ശുഭരാത്രി നേര്‍ന്നപ്പോള്‍
അയാള്‍ക്ക്‌ ആശ്വാസം തോന്നി
പിന്നീട്‌ ശാന്തനായി ഉറങ്ങി

3 comments:

Vinodkumar Thallasseri said...

നന്നായി ഉറങ്ങി. ഇനി നിങ്ങള്‍ക്ക്‌ എല്ലാവര്‍ക്കും ശുഭരാത്രി നേരട്ടെ...

mini//മിനി said...

നാളെമുതൽ അയാൾക്ക് ഉറങ്ങാനാവില്ലല്ലൊ,,

മുഹമ്മദ്‌ ആറങ്ങോട്ടുകര said...

അറിയേണ്ടത് പറയാതെ മനസ്സിലാകുന്നു..