ഒരാളില് നിന്ന്
മറ്റൊരാളിലേക്ക്
വീണ്ടും വേറൊരാളിലേക്ക്
കാറ്റിലൂടെ കാഴ്ചയിലൂടെ
പകരുന്നുണ്ട്
വിരസതയുമായുള്ള സന്ധിസംഭാഷണം
പരാജയപ്പെടുമ്പോള്
ലെക്ചറുകള്
പൊളിക്കാത്ത തേങ്ങ പോലെ
തലയ്ക്കുള്ളില് ഉരുളുമ്പോള്
അധികപ്രസംഗത്തിണ്റ്റെ വായ്നാറ്റം
മുഖത്തടിക്കുമ്പോള്
അടിവയറ്റില്നിന്നുരുണ്ട് കയറി
ക്ഷമയുടെ
അടച്ചുപൂട്ടിയ വായ്പൂട്ട് തകര്ത്ത്
നാറുന്ന വായുവിണ്റ്റെ
സ്വാതന്ത്യ്രപ്രഖ്യാപനം
കോട്ടുവാ
ഒരു പ്രസ്താവനയാണ്
ഏമ്പക്കവും
ഒരു പ്രസ്താവനയാണ്
കുത്തിനിറച്ച വയറില്
ഇടംകിട്ടാതെ ഞെരുങ്ങുന്ന
വായുവിണ്റ്റെ പ്രതിഷേധം
പത്തായം പെറ്റ്
ചക്കി കുത്തി
നിറച്ചുണ്ട കാലത്തിണ്റ്റെ
പുളിച്ചുതികട്ടല്
വീര്ത്ത കുമ്പയില് തടവി
ഒഴിഞ്ഞ വയറിണ്റ്റെ നേര്ക്ക്
ഒരാട്ട്
ഏമ്പക്കവും
ഒരു പ്രസ്താവനയാണ്.
7 comments:
പെട്ടെന്ന് വല്ലാതെ ബോറടിച്ചൊരു നാള് മനസ്സിലെത്തിയ വരികള്. എഴുതി വെച്ചിട്ട് ഏറെ നാളുകളായി. ഇന്ന് അതുപോലെ വിരസത അറിഞ്ഞ ഒരു നാളില് പോസ്റ്റ് ചെയ്യുന്നു. കോട്ടുവായിട്ടുകൊണ്ട് നിങ്ങളും വായിക്കൂ.
മാസങ്ങൾക്ക് ശേഷം വന്ന കവിതയിൽ സമകാലികജീവിതത്തിന്റെ പ്രതിഷേധസ്വരമാണ് മുഴങ്ങുന്നത്, ഏമ്പക്കമായും കോട്ടുവായായും !! അല്ലെങ്കിലും ഉറക്കം ഞെട്ടലും ദഹനക്കേടുമാണല്ലോ ഇന്നിന്റെ ബാക്കിപത്രം.തുടർന്നെഴുതുക.
കൂർക്കംവലികൾ ഒരു ഓർമ്മപ്പെടുത്തലും.
Tks dears
ഏമ്പക്കവും ഒരു പ്രസ്താവനയാണ്..
ഇഷ്ടം..
പ്രസ്താവനകൾ എല്ലാം തന്നെ ഇന്നിന്റെ കാലത്തിലേക്കുള്ള പ്രതിഷേധങ്ങളാണ്..... ചിലവ കരി കൊണ്ടുള്ള മുഖത്തെഴുത്തും....
സ്നേഹത്തോടെ നന്മകള് നേരുന്നു...
വിനോദ്കുമാര് ... ബ്ലോഗേഴ്സിന്റെ ഒരു വാട്സ്അപ്പ് ഗ്രൂപ്പുണ്ടാക്കുന്നു നമ്പര് തരാമോ ? എന്റെ വാട്സ്അപ്പ് നമ്പര് - 00971 564972300
(രാമു, നോങ്ങല്ലൂര് രേഖകള്)
Post a Comment